© 2018 AD INTERNET LIMITED. ALL RIGHTS RESERVED. 版權所有 不得轉載

聖誕前夕 #GIRLBOSS 分享時尚創業路

日期:Dec 22, 2017 2:12 AM
好多女仔都同我一樣好鍾意 fashion and style,都曾經夢想擁有自己嘅 fashion label。但係又有幾多人真係落實去做呢?今日我約咗好朋友Sarah傾吓計,佢就真係一個將夢想化為現實,擁有自己時裝品牌 Sarah Lai (@sarahlailabel),最近仲喺太古廣場開咗佢第一個pop-up store。我覺得Sarah真係切切實實嘅#GIRLBOSS HK。
 
By: Ruby Kwan
 
S:Sarah(@sarahreginalai) R:Ruby(@rougecloset) 
 
R: Hello Sarah,恭喜你在太古廣場的pop-up store開幕,真係好替你開心。其實我想問你好耐,妳本身讀Economics,現在亦在一家銀行工作, 是什麼原因使妳創立一個自己的時裝品牌呢?
 
S: 其實我自小就好鐘意fashion, 又鐘意扮靚, 大學時都睇好多時裝雜誌。畢業後出來工作, 都花好多錢在時裝上。後來發覺香港買衫愈來愈貴, 在那刻就想出一個念頭, 為什麼不創立一個返工著到,又有啲design,有啲style,但係又唔好太貴的時裝品牌,就是這樣開始的。
 
R: 我知道這個品牌在2014 年誕生, 轉眼間已經成立了3年, 在這3年中, 妳覺得最大的挑戰是什麼呢?
 
S: 我想我真是低估了市場競爭的困難, 一開始以為只要做好設計, 拿去做trade show, 銷售方面自然會沒問題, 但其實不是這樣的, 要做好多好多次的。同埋出面其實有好多唔同嘅牌子,如果想接觸到想要的客戶群,其實真係唔容易。
 
R:  遇到這樣多的困難, 那麼背後是什麼動力令妳持續下去呢?
 
S: 最重要係我對fashion的熱情, 同埋身邊好多朋友嘅支持,真的很感動。由一個夢想從零開始, 一步一步走過來, 直至第一個pop-up store 誕生, 那份成就感實在給我很大的支持和肯定。當然, 亦很感謝身邊的好友給了我很多的鼓勵,這些都是錢買不到的經歷。
 
R: 其實有很多女生都夢想創立自己的時裝或精品品牌,好想擁有自己的事業,在這方面Sarah有什麼經驗可以跟大家分享?
 
S: 一開始要多做research , 市場分析, 競爭分析, 價錢定位等等, 平時盡量去接觸其他同類的設計, 多聽他人的意見。有機會也可以與朋友合作, 因為一個人做是辛苦的。 同埋唔好介意去ask for help,因為其實擁有一個理想已經唔容易 , 仲要將佢變做生意 , 其實好多朋友都好肯幫你。
 
R: 所以最緊要就係做功課, 同埋識多啲朋友, 咁就可以事半功倍。Sarah,妳在工作時, 作為一個#GIRLBOSS, 妳的signature style是怎樣的呢?
 
S: 我會因應當天的工作範疇, 例如需要會見客戶就會穿得比較斯文如襯Pantsuit, Pencil skirt, 高根鞋等等。而閒時比較喜愛mix & match,  作為一個 #girlboss, 最緊要覺得舒服, 自然表現出自信心。
 
R: 聖誕節就到了, 我見到妳店舖內的velvet好漂亮, 妳能為我們介紹一下有什麼party dress的建議嗎?
 
S: 當然我會介紹我們品牌的 Albany Gown, 它是用今季最流行的velvet物料造成, 裙腳帶有少許拖尾效果,再加上手臂旁的ruffles, 既可收線條亦可稍稍遮蓋手臂, 所以將會是今個聖誕節去party的一個不錯選擇。
 
R: 非常好, 我已經急不及待要去試衫了。Thank you Sarah!!