© 2018 AD INTERNET LIMITED. ALL RIGHTS RESERVED. 版權所有 不得轉載

《閃耀人生女人心》張天愛系列之2【敢愛敢離】

日期:Mar 08, 2018 12:00 PM

張天愛最近接受本報「女人心」系列連載式專訪,今回談到她的感情問題,張天愛曾結過四次婚、離了四次婚,看來男人想綁住她,真的不容易。19歲結婚的張天愛,第一任老公是外籍髮型師Anthony,二人結婚一年多。第二任丈夫是思捷環球前主席、林青霞現任丈夫邢李㷧,這段婚姻維持了三年;第三段婚姻是資深大律師胡漢清,當年兩人在港結識並墮入愛河,分手數年後再續前緣,1992年結婚,並在蘇格蘭註冊,之後分別在倫敦及香港豪花百萬補擺豪門宴,可惜婚姻僅維持三個月,張天愛便提出離婚。

主動提分手

到後來與演員羅素(王敏德胞兄)交往到結婚,這段婚姻維繫了九年,算是最長一段婚姻,四段婚姻都是她主動提出分手的。張天愛表示:「係!都係我自己未成熟,去jump in,嗰時個心態係,有十個人對我好好,我就揀對我最好嗰個啦。因為我喺boarding school大,自細趕頭趕命咁,好多男友搵我拍拖,呀!好呀,咁結婚啦!」

睇老爺面色

其實張天愛覺得之前的幾段婚姻是互相不了解才會致離婚收場,她表示:「打個比喻,就好似一間屋,有廳、有房、有地牢,但我只係打開咗個大門,只係畀佢睇咗大廳同一間房,佢就講呀:『幾好呀,結婚啦!』但其實我有好多好多間房同地牢,而我又成日出咗去,佢就會覺得,呢個女仔,唔係我想結婚嗰個。變咗我越來越忽略佢哋,而我係好多嘢要做,而佢哋其實唔係想搵個老婆係咁。」
年輕時對愛情、婚姻都直來直往,一股衝勁向前行,但並不是每個男人可以接受其作風,張天愛笑言:「即係,你太叻,男人唔係咁鍾意,或者你太忙,傳統男仔搵你,嗰啲屋企就覺得,新抱要睇BB,要煮飯,要幫屋企,咁我心諗,吓!我又多一份工啊。」

張天愛曾在訪問中,說漏了嘴自己曾被求婚50次,她笑:「係呀,所以我嫁過幾次已經係好好,人哋話,『呢啲乜嘢道理?』咁係真,It's true!咁每十年,喺十個裏面揀一個嫁,但最終唔啱,咁冇辦法㗎,唔係我想。」

採訪:林妙萍